لا و الله ما احبك

أحبك
لا والله ما حبك
ما يكفيك دمي يجري بعروق دمك ؟
أجل ليه تسألني إن كنت أحبك ؟
علمني ..
من هو شافك ولا حبك!
أكيد ما عرف قدرك
ولا هو كفوا يحبك
يا حبي الأول و يا حبي الأخير
وش هو بقى فيني يصير؟
أعزك ؟
على إيه أعزك ؟
يالعنبو العز إذا صار ماهب عزك
تاج راسي فوق راسي أحطك
من هو اللي ما يعزك؟
أكيد يا روحي ماعرف قدرك
ولا هو كفوا حتى لحبك
أعزك على إي أعزك ؟
أعزك من حلو طبعك
ماعرفت العز إلا من شفتك
مالي حبيب في الكون بعدك
أودك؟
والله أني أودك!
ياليت من هو يشرب من الغدير
و يدور حولك مثل عصفور يطير
يا ورد الهوى
وش خليت للعبير ؟
موج الهوى والله خطير
ضيعتني ولا داري وين أسير
وش هو بقى من عمري القصير ؟
أودك!
أنا أشهد أني أودك
لا تسألني إن كنت أودك
أطرح سؤالك عل قلبك
تلقى الجواب أكيد عندك
حضنك!
ياليت من نام في حضنك
وأخذ مفاتيح الهوى
وفتح به قلبك
ودي ألتقي بك على خير
أبلتقي وما همني وش يصير
آه يا ويلي لو خلفت وعدك
أحس الكون ماله طعم بعدك
حكمك!
أحكم على كيفك .. راضي أنا بحكمك
أنت الحكم والعدل ..هو طبعك
تلوم عيني يوم إنها بكت لك!
سلمت لك أمري .. مابقى لي إلا حياتي
وحياتي رهنتها في يديك
أذلك!
أذل نفسي ولا أقدر أذلك
رفعت من شانك ومن قدرك
لآجل إن ذبت في حبك
حاولت ابتعد عنك
عجزت عن صدك
ما أحلى الورد في خدك
أعيش ولا يموت
أصلاً أنا مت من شفتك!
هذي حياتي بحر
ضاعت بين جزرك و مدك
تحتار في قربك وتحتار في بعدك
كم مرة أجرحوا قلبك؟
كم مرة حاولت تخفي حبك؟
ياليت من هو أخطى عليك أعتذر لك
و ياليت من هو شافك و أبتسم لك
ودك تعرف غلاك وقدرك؟
حياتي مالها طعم بعدك